广东饭枱有三宝,好食到我停唔到

广东民间有个说法，叫“广东有三宝，陈皮老姜禾杆草”。

陈皮、老姜、禾杆草之所以可以成为广东三宝，系因为以前嘅广东家庭都好中意用禾杆草加上陈皮、老姜嚟烹制肉类。

由此衍生出另一种说法，“广东有三宝，医生司机猪肉佬”，不过呢种说法更多系为咗押韵而产生，并冇咩实际意思。

时移世易，广东人饮食习惯已经发生改变，广东人嘅饭枱三宝，早就已经唔系陈皮、老姜、禾杆草。

我首推嘅广东人饭枱三宝应该系——豆豉鲮鱼、茄汁焗豆、广合腐乳。

▲必须声明以上品牌与我们均没利益关系

豆豉鲮鱼

鲮鱼咸香，豆豉甘鲜，一开盖就芳香扑鼻，配饭炒餸都一流，重点系连骨都可以随便食，完全唔惊啃骨。

不过最大问题系，每次都觉得鲮鱼唔够食，反而豆豉仲会剩返好多，感觉罐头入边两条鲮鱼，配咗几斤豆豉。

而剩返嘅豆豉同鱼碎，通常都被我阿妈用嚟炒油麦菜或者苦瓜，呢种物尽其用嘅食法都好符合广东人务实嘅心理。

▲豆豉鲮鱼炒油麦菜，完全诠释咗咩系最简单最平凡，就系最美味！

茄汁焗豆

酸酸甜甜嘅茄汁同软糯嘅黄豆融为一体，开胃之余又饱肚，再加两片午餐肉就冇得弹啦。（不过我从来都未真正食完过一盒茄汁焗豆，因为实在太多啦，食极都食唔完。）

腐乳

一种闻起身有啲怪，但食起身特别惹味嘅食物，辣中带甘，甘中带香，食过第一次就忘记唔到佢嘅风味。

即食煮餸，调味制酱，腐乳无所不能，可以话，冇嘢系一砖腐乳解决唔到，如果有，就食多砖。

以上三宝实在系居家加餸，出外旅行之必备救命食物，随便一样都可以化白饭为鲍鱼，化粉丝为鱼翅，并令我视其他餸为粪土。

三种食物之中，茄汁焗豆来自西餐，腐乳又全国各地都有，只有豆豉鲮鱼系“广东亲生仔”。

豆豉鲮鱼最初诞生于19世纪后期，大批广东人下南洋打工，身上会带晒干嘅鲮鱼同豆豉解决温饱。后来有人意外发现，豆豉同鲮鱼干混合，非常奇妙和味，豆豉鲮鱼嘅雏形就此诞生。

年，广州广茂香罐头厂（即“鹰金钱”牌）成立，世界上第一罐豆豉鲮鱼诞生，豆豉同鲮鱼从此被人联系一齐，走过逾百年历史，成为咗广东细路仔饭枱上最珍贵嘅回忆。

而喺计划经济时代，罐头属于奢侈品，食到罐头系一件好巴闭嘅事。所以最初嘅豆豉鲮鱼罐头通常系畀人出国带去食，或者过时过节用嚟送人。

改革开放之后，国民生活水平提高，豆豉鲮鱼先走下神坛，从奢侈品变成日常食用品。

同样喺年诞生嘅，仲有广合腐乳。

年，开平塘口镇黄村嘅方氏父子喺开平水口镇开设一间名为“广合号”的腐乳作坊，开始生产销售广合腐乳，成为当地驰名食品。

抗日战争结束后，广合腐乳受港澳客商发掘，纷纷购买带回港澳，从此广合腐乳喺海内外华人圈声誉鹊起。

直到依家，上面嘅广东三宝都依然系唔少人餐枱嘅座上客。

佢哋唔系乜贵嘢，相反，只系好普通好平常嘅食材。但最难得嘅系，佢哋味道几十年如一，无论我哋身处何时何地，你一试，都会即刻认得呢个味。

因为，呢啲就系家乡嘅味道，永远唔会过时，永远无法替代。

当然啦，我阿妈就唔系好中意我食呢啲，因为喺好多家长眼中，罐头同腌制嘅食物始终唔系好健康又营养唔均衡。

不过，阿妈啊，

我真系抗拒唔到咯！

你对最中意点食呢啲广东三宝？

留言分享下你屋企最独特嘅烹调方法！

我仲等住听日煮嚟食啊！

素材出自广州文史、开平图书馆、中国罐头工业协会等

羊城网负责整理编辑