全单5折广州超人气活鱼现烤嫩滑
文/小师妹
摄影/乳猪
最近小编经过时尚天河，见到有间烤鱼店好有人气，唔同一般烤鱼店，佢係活鱼现烤！而且宜家全场打5！折！
三江源活鱼现烤？即係用新鲜嘅活鱼现场烤熟，听起身好似几唔错，趁住打折，一于入去试试试！
11月9日—11月18日
四人全单5折
三人全单6折
两人全单7折
一人全单8折
到店按指示参与简单活动就可享受以上优惠
入到去环境真的冇得讲，浓厚嘅海洋气息扑面而来，巨大嘅3D立体深海喷画，可爱趣稚嘅小鱼吊饰，以及自由伸展嘅珊瑚，都令人感到新鲜。
墙上仲有好多得意嘅油画，讲述三江源嘅故事，睇落又真係几有趣。
选鱼类口味话明係活鱼现烤，噉肯定唔少得活鱼噶啦。三江源只用活鱼，餐厅有大大嘅鱼池，里面有草鱼、黑鱼、清江鱼、江团四种鱼类可选。
每一条鱼都经过专人挑选，只有健康、生猛嘅新鲜鱼先可以到店，鱼类平均重量为2斤，一条鱼可以供2-3人食用。
称好斤两后，就可以入厨房烹制啦。
同普通嘅烤鱼店唔同，三江源活鱼现烤嘅特别就在于佢采用活鱼烤制，而非用死鱼落油炸过再烤。活鱼清理过后，涂上一层油，入烤箱烤到差唔多熟，令鱼皮焦脆，再淋上客人所点酱汁，就可以上桌啦。
12道口味（下拉可看更多口味介绍）
金牌酸辣（辣度★★）：用秘制泡菜炮制，食起身酸中带辣。
豆豉味：将豆豉蒸软、剁细，加以香料、绍酒、蚝油烹制，再用小火慢炒，食起身豉香味浓郁。
十八香（酱香味）：调酱师调制成的复合酱汁淋入鱼身，食起身多重滋味，回味无穷。
酸甜荔枝味（辣度★）：荔枝的甜蜜，酱汁的酸辣，裹着烤鱼的鲜香，辣压甜，让滋味“爹”起来。
九品鱼香（辣度★）：充分发挥烤鱼的香味，香气四溢，让您口水都要流出来。
五味人生（辣度★）：酸甜苦辣鲜，五种口味尽在一鱼中。
香辣味（辣度★★）：辣椒、鱼完美配合，对辣浅尝辄止。
藤椒口味（辣度★★）：利用藤椒特有的味道和香气烹调。
红唇泡椒（辣度★★）：号称“鱼辣子”的泡椒搭配。
火红剁椒（辣度★★★）：味辣而鲜咸的红剁椒，充分发挥剁椒和鱼的味道。
川式麻辣（辣度★★★★）：强烈的刺激，麻辣控必点。
至尊辣椒王（辣度★★★★★）：辣的最高境界，有种你就来挑战一下。
十八香草鱼平时十三香就听得多，十八香就真係未试过。服务员介绍，呢个十八香係用云南当地特有嘅香料制成，味道层次好丰富噶。
因为係活鱼现烤，所以三江源嘅鱼肉仲保持得好滑嫩，同我哋平时食嘅蒸鱼差唔多。但係外皮就比较焦脆，外焦内嫩，渗入十八香嘅层层馥郁，好食到彻夜难忘……
藤椒清江鱼呢个藤椒口味都係三江源嘅特色口味，用辣而不燥嘅杭椒搭配云南原产小米椒，营造出有层次嘅麻辣感，令鱼肉辣而不燥，点食都唔易上火！
清江鱼俗称淡水鱼之王，鱼肉肉质细腻幼嫩，唔似草鱼咁多小鱼刺，可以比较放心食，配合藤椒清麻味，令人越食越上瘾。
配菜5.8元/份烤鱼食得差唔多，係时候落D配菜。值得一提嘅係，三江源呢度嘅配菜全部都係5.8元1份，除咗我哋点嘅呢份群英荟萃（￥18.8），性价比真係好高！
所谓群英荟萃即係一众配菜嘅杂锦，当然，你钟意单点配菜都可以，三江源呢度从菌菇、鱼豆腐、豆皮、木耳、莲藕片、青菜都有，肯定满足到你刁钻嘅胃。
蕨根粉蕨根粉係从野生蕨菜根里面提炼出嘅淀粉，用嚟做成粉条口感十分好。加入蒜末、辣椒等凉拌，酸酸辣辣好开胃。
食嘅时候记得先捞匀一下，香滑爽溜，特别入味。因为蕨根有润肠、清热、消脂降压等功效，所以营养价值都好高，老人及小朋友都好啱食。
茎叶思“窗前明月光，疑是地上霜……”唉，唔係，此茎叶思非彼静夜思，呢个茎叶思係用油麦菜+青瓜切片整成嘅，一茎一叶散发出无限思念。
食嘅时候蘸上和风沙拉酱，味道会更加清甜宜人。油麦菜本身就好爽口，加上青瓜嘅清新，口感爽脆又特别。
杨枝甘露恕小编见识少，平时食开嘅杨枝甘露都係一碗碗上嘅，呢个高脚杯+试管造型嘅杨枝甘露又係乜傢伙？咪住，仲识冒烟！好大一股仙气飘出来，等我避一避！
虽然外形好趣致，但係呢度嘅杨枝甘露内在仲係同其他杨枝甘露一样，用芒果、西柚制成，配以香滑嘅椰奶冻，吸管啜又得，直接倒入口都得，得咗！
现调果饮食烤鱼又点可以冇饮品，呢个现调果饮系列以及包括杨枝甘露在内嘅榴芒一刻系列，都係只得时尚天河店至有，人气好高噶。
一朵茉莉花。“好一朵美丽的茉莉花~”呢扎茉莉花，真係用茉莉花茶叶冲泡噶，加上雪梨、草莓等鲜果，味道香甜又清爽，十分解腻。
麻辣女王。你冇睇错，呢扎麻辣女王真係有辣椒，货如其名。未饮之前，小编都会觉得呢个麻辣女王应该係D辣椒水嘅感觉，但係饮落之后先发觉佢入口好清甜，滑过喉咙，先慢慢散发出阵阵麻劲，口感好刺激。
唔记得讲，三江源呢度仲有免费餐前小食提供，木瓜、番石榴、萝卜，酸酸哋，好开胃。
哇！呢个咪係……湿纸巾咯。卖相真係令人掩面，不过又好盏鬼，快D影低张相po下图留念先~仲仲仲要记得参与店内活动喔，埋单嘅时候可以打折噶！
喺海底皇宫里面用餐，感觉梦幻又奇妙，三江源活鱼现烤，就係一个咁新鲜、充满活力嘅地方，只选用活鱼现场烤制，配上独家配方酱汁，比起传统烤鱼更鲜、更嫩、更滑、更好味！真係好食到想带埋阿爸阿妈一齐嚟啊~
三江源活鱼现烤
人均：49元
转载请注明：http://www.cnmaozhan.com/ymcxg/7292.html
